Arrestohet në Norvegji vrasësi i Vigan Morinës
Irakiani Shivan Mohamed vrasësi i shqiptarit Vigan Morina në Cyrih pas dy jave arratie dje u arrestua nga policia norvegjeze.
Arrestimi i 21 vjeçarit pasoi pas një hetimi të përbashkët të policisë kantonale të Cyrihut në bashkëpunim me autoritetet norvegjeze. Emigranti irakian u arrestua në qytetin Skien dhe se ai ra në rrjetin e policisë. Mohamed në javët e ardhshme pritet ti dorëzohet autoriteteve zvicerane.
Sa kohë ky proces merr varet nëse ai është i mbrojtur ligjërisht kundër ekstradimit apo jo.
Më shumë se dy javë, procedura sipas zëdhënësit të policisë nuk do të zvarritet.
21-vjeçari Shivan Mohamed në natën e 15 korrikut vrau me thikë 23 vjeçarin nga Kosova Vigan Morina, dhe plagosi vëllain e tij Visar Morina, pas një sherri që kishte shpërthyer midis tyre në një klub të natës në Cyrih. /portalb/