Menduh Thaçi:do të bashkëpunoj me PYKA-n, le të vijë dhe Ahmeti
Lideri i Partisë Demokratike Shqiptare, Menduh Thaçi ka shpreh gatishmërinë për bashkëpunim mes partisë së tij dhe lëvizjes qytetare PYKA, ndërsa nuk ka lënë anash edhe anëtaret e ish partisë së Imer Selmanit Demokracia e Re. Këtë informatë ai e ka bërë të ditur për për javoren maqedonase “Gragjanski “.
“Fillimisht do të tentoj të bisedoj me strukturat jo-qeveritare në Shkup të bashkuara në lëvizjen PYKA. Pastaj me përfaqësues të partisë së Imer Selmanit duke mos i legjitimuar si parti politike “ është përgjigjur Thaçi në intervistën e kësaj gazete.
Më tej ai e ka thirrur dhe liderin e Bashkimit Demokratik për Integrim, Ali Ahmeti ti bashkëngjitet koalicionit të PDSH-së me LSDM-në.
“Tani kur të gjithë që përkrahim kompromisin dhe integrimin e vendit në NATO, jemi mbledhur në një vend , Ahmeti është me ne apo me Gruevskin? Ja le të urdhëroj edhe ai të jetë pjesë e bashkëpunimit të PDSH-së me LSDM-në dhe le ta përkrah platformën për zhbllokimin e integrimeve”, është shprehur Thaçi.
“Le të inicojë Ahmeti ndryshime të kushtetutës dhe ta shkruajmë se shteti ynë është federatë dhe se fituesit në dy blloqet etnike e bëjnë qeverinë. Unë do ti jap mbështetje“ ka thënë Menduh Thaçi.
Ndërsa sa i përket deklaratës së Ahmetit se Thaçi është i frikësuar nga disfata në zgjedhjet e ardhshme andaj edhe ka shpejtuar të merret vesh me LSDM-në për bashkëpunim, kryetari i PDSH-së thotë se Ahmeti është më i frikësuar sepse Thaçi tani më është mësuar të humbë. /portalb
