Han: Pres shpjegim nga Orban se në çfarë baze i ka dhënë azil politik Gruevskit
Eurokomisari për Politikë Fqinjësore dhe Zgjerim, Johanes Han ka reaguar në rrjetin social Twitter në lidhje me vendimin e djeshëm të Hungarisë për dhënien e azilit politik Nikolla Gruevskit. Han tha se nëse me të vërtetë është kështu, pritet shpjegim nga kryeministri i Hungarisë, Viktor Orban për bazat e këtij vendimi, transmeton Portalb.mk.
“Kam dëgjuar për raporte për vendimin e Hungarisë që t’i jep azil Nikolla Gruevskit. Nëse konfirmohet, do të pres shpjegim për arsyet e vendimeve të Viktor Orban”, shkroi Hanë në Twitter.
I take note of reports about #Hungary’s decision to grant political asylum to @GruevskiNikola. If confirmed, I expect a sound explanation of its grounds by @Viktor_Orban. 1/2
— Johannes Hahn (@JHahnEU) November 21, 2018
Eurokomisari shpjegoi se është i befasuar që Hungaria i ndan azil Gruevskit dhe me atë që e shpall Maqedoninë si vend të pasigurt, dhe në të njëjtën kohë e përkrah anëtarësimin e saj në BE.
“Sundimi i së drejtës mbetet parimi themelor për vendet anëtare dhe për vendet kandidate për anëtarësim. Kjo është kyçe për besueshmërinë e Evropës. Jam i befasuar që Hungaria mbështet anëtarësim të Maqedonisë në BE, por nuk e konsideron si të sigurt”, shkruan Han.
The #RuleofLaw remains a fundamental principle for Member States and accession candidates alike. It is crucial for #Europe’s credibility. Surprising that #Hungary supports ?? #EU membership but does not consider it safe. 2/2
— Johannes Hahn (@JHahnEU) November 21, 2018
