Raporti i OSBE-së: Prokuroria Speciale akuzon 142 persona, udhëheq 12 hetime
Gjithsej 142 persona akuzohen në lëndët e Prokurorisë Speciale Publike, ndërkaq më së shpeshti për veprën për të cilën ndiqen të akuzuarit është keqpërdorim i detyrës dhe autorizimit zyrtar, tregon raporti i ri OSBE-së për aktivitetet dhe lëndët e Prokurorisë Speciale, për periudhën nga shtatori i vitit 2015-të deri në janar të vitit 2018, njofton Portalb.mk.
Në raport theksohet se PSP udhëheq 20 lëndë, edhe atë 3 lidhur me skandalin e përgjimeve kundër autorët eventual të përgjimit të paligjshëm dhe 17 lëndë të cilat dalin nga bisedat e përgjuara dhe veprat eventualisht penale të cilat janë dëgjuar në biseda.
PSP nga Prokuroria Themelore Publike i ka marrë katër lëndë – “Monstra”, “Puç”, “Sopoti” dhe “Spiuni”.
Në raport thuhet gjithashtu se për 20 hetime të PSP-së janë ngritur akuza deri më 30 qershor të vitit 2017 në të cilën janë të përfshirë 142 të akuzuar, përfshirë edhe 7 ndërmarrje. 20 akuza janë të konfirmuara deri në fund të janarit të këtij viti, ndërkaq njëra është pjesërisht e konfirmuar, ndërkaq PSP për momentin udhëheq 12 hetime.
Vepra më e shpeshtë për të cilën ndjek PSP është keqpërdorim i detyrës dhe autorizimit zyrtar (9 raste). Vepra tjera kyçe të cilat i ndjek PSP janë keqpërdorim i mjeteve për financim të fushatës zgjedhore, shkelje të së drejtës së votimit, keqpërdorim të procedurës për thirrje publike, fshehje të tatimit, pranim të dhuratës për ndikim të paligjshëm.
