Greqi, është përfshirë nga flakët trageti me 875 pasagjerë
Një traget me 875 pasagjerë në bord u përfshi nga flakët gjatë natës në detin Egje.
“Elefterios Venizelos”, që bënte linjën Hania-Pire, mundi të mbërrinte rreth orës 7 të mëngjesit në Portin e Pireut, ku edhe u evakuuan pasagjerët dhe një pjesë e mjeteve, transmeton TCH.
Shkak i zjarrit, sipas dëshmitarëve thuhet të ketë qenë një shpërthim në garazhin e tragetit.
Në bordin e tij ndodheshin edhe shumë emigrantë e turistë shqiptarë, megjithatë, nga ngjarja nuk ka pasur asnjë të lënduar.
