Paratë për Qendrën Klinike kthehen pa gjoba, do të bëhen analiza se çfarë Qendre Klinike na duhet

Shteti do t’ia kthejë 70 milionë euro Bankës së Këshillit të Evropës, që kanë qenë të destinuara për projektin për ndërtimin e Qendrës Klinike, dhe nga shtatori bashkë me këtë institucion dhe ekspertë nga Komisioni Evropian do të fillojnë të gjejnë zgjidhje për Qendrën Klinike që do të japë shërbim modern shëndetësor në një vend, njofton Portalb.mk.

Kjo u theksua në seancën e Komisionit Kuvendor për Buxhet dhe Financim, në të cilin në lexim të parë u pranua propozim – ligji për ndryshim të ligjit për huamarrjet e Maqedonisë te Banka për Zhvillim e Këshillit të Evropës pas marrëveshjes kornizë për hua për financimin e projektit për ndërtim dhe modernizim të Qendrës Klinike “Nënë Tereza” Shkup.