Durrës, grabitet makina bashkë me një fëmijë brenda
Një makinë tip Mercedes Vito, bashkë me një fëmijë brenda, është vjedhur mbrëmjen e djeshme në qytetin e Durrësit.
Makina me targa polake “KR353RL”, në pronësi të familjes Mellani, është vjedhur nga persona ende të pa identifikur ne lagjen 13 tek zona e plazhit.
Familja Mellani ishte futur në një dyqan për të blerë një frigorifer, ndërkohë që makina ishte lënë ndezur, bashkë me fëmijën brenda.
Policia e Shtetit u vu në gatishmëri totale, me në krye Drejtorin e Përgjithshem zotin Hysni Burgaj, ku brenda 40 minutash u gjend fëmija në afërsi të Laprakës.
Pas postblloqeve të shumta të ngritura nga policia u gjend dhe makina e braktisur në Milot nga autoret të cilët u larguan në drejtim të pa ditur.
Fëmija është në gjendje të mirë pas egzaminimit të bërë ne maternitetin “Mbretëresha Geraldin”, më pas u dorëzua prindërve. /Balkanweb