Dr.Linda Ziberi doktoroi në Ohio, SHBA
Profesoresha Linda Ziberi fitoi gradën shkencore Doktor i filozofisë në lëminë e kulturave dhe komunikimit në universitetin amerikan Bowling Green State University.
Ajo me sukses vijoji studimet katër vjeçare duke përfunduar me mbrojtjen e disertacionit të doktoraturës para komisionit katër anëtarësh, me profesorë ordinar nga po i njëjti universitet.
Titulli i disertacionit të saj është: “The Rhetorical Uses of Multiculturalism: An Ideographic Analysis of the European Union and Macedonian Discourses in the Dialogue for EU Accession”.
Studimi në fjalë egzaminoi diskurset retorike mes Bashkimit Evropian dhe Maqedonisë, që rrethojnë konceptin e “multikulturalizmit” duke hulumtuar qasjen se retorikisht multikulturalizmi është i konstruktuar nga BE, nga komuniteti shqiptar, si dhe nga komuniteti maqedonas në Maqedoni.
Gjatë periudhës së studimeve (2008-20012), znj. Ziberi ishte e angazhuar si asistente për mësimdhënie, si dhe asistente për hulumtime shkencore në Departamentin e shkencave te komunikimit dhe Departamentin Women Studies ne BGSU, ku ligjëroi lëndë sipas sistemit të rregullt dhe sitemit ‘mësim në distancë’.
Aktualisht, znj. Ziberi, ligjëron në Departamentin e shkencave të komunikimit, në UEJL, si dhe është zv/drejtor në Qendrën për dialog ndërkulturor, financuar nga UNESCO.
Le t’i urojmë së bashku për suksesin e saj!