Japoni, 100 të vdekur nga përmbytjet dhe rrëshqitja e tokës

Ka shkuar në 100 numri i viktimave që kanë humbur jetën si pasojë e përmbytjeve dhe rrëshqitjes së tokës të shkaktuara nga reshjet e fuqishme në pjesën perëndimore dhe qendrore të Japonisë, transmeton Anadolu Agency (AA).

Siç raporton Agjencia Kyodo, Departamenti për Menaxhimin e Zjarreve dhe Katastrofave bëri të ditur se numri i personelit të mbrojtjes civile, sigurisë bregdetare, policisë dhe zjarrfikësit që i janë bashkuar aktiviteteve të kërkim-shpëtimit është rritur në 73 mijë, ndërsa 23 mijë persona gjenden në qendrat e evakuimit.