Ofensiva siriane ka detyruar 120.000 njerëz t’i braktisin shtëpitë
Më shumë se 120.000 njerëz kanë ikur nga Siria jugperëndimore nga fillimi i ofensivës së forcave qeveritare, kumtoi Qendra siriane për të drejtat e njeriut me seli në Londër.
Qendra njofton se disa dhjetëra mijë njerëz gjenden në kufirin e Sirisë me Jordaninë, ndërsa mijëra kanë ikur drejt Rafshnaltës së Golanit.
Drejtori i Qendrës, Rami Abdulraman deklaroi se numri më i madh i civilëve e kanë braktisur pjesën lindore të provincës Dera, në momentin kur forcat qeveritare përparojnë.
Forcat qeveritare e Sirisë e filluan ofensivën në pjesën jugperëndimore të vendit në tentim që sërish ta ndërmarrin rajonin te kufiri me Jordaninë dhe Rafshnaltën e Golanit.
