Socialistët francezë fitojnë zgjedhjet

Rezultatet finale të raundit të parë të zgjedhjeve parlamentare në Francë tregojnë se socialistët e presidentit Francois Hollande kanë siguruar shumicën e nevojshme për të çuar përpara reformat ekonomike.

Rezultatet e publikuara nga Ministria e Brendshme tregojnë se socialistët dhe aleatja e tyre, Partia e Gjelbër, kanë fituar afro 46 për qind të votave, ndërsa partia e ish-presidentit Nicolas Sarcozy ka siguruar 34 për qind të tyre.

Zgjedhjet kanë treguar rritje të mbështetjes edhe për ekstremin e djathtë, përkatësisht Frontin Kombëtar, i cili ka kërkuar që Franca të braktisë euron dhe të luftojë kundër “islamizimit të vendit”.

Këto rezultate pritet të konfirmohen edhe në raundin e dytë të votimeve, më 17 qershor./Portalb