Malajasit tubojnë 1,76 milion dollarë për një ditë për shlyerjen e borxheve të vendit
Qytetarët në Malajzi kanë arritur të tubojnë 1,76 milion dollarë brenda një dite për shlyerjen e borxheve të vendit, transmeton Anadolu Agency (AA).
Sipas një lajmi në gazetën Straits Times, paratë janë tubuar brenda 24 orëve pas funksionalizimit të “Fondit të Shpresës” nga ana e qeverisë malajase për shlyerjen e borxheve me mbështetjen e popullit.
Ministri i Ekonomisë Lim Guang Eng e cilësoi si sukses ndihmën financiare të qytetarëve malajas brenda një dite.
“Populli malajas e tregoi edhe njëherë atdhedashurinë. Ata ndihmuan shtetin me paratë e tyre për rindërtimin e vendit”, theksoi Lim.
Malajzia ka afro 252 miliardë dollarë borxh të ngelur nga koha e ish-kryeministrit Najib Razak.
“Fondi i Shpresës” u funksionalizua nga kryeministri Mahathir Muhammed, i cili me ardhjen në detyrë pas triumfit në zgjedhje më 9 maj bëri thirrje për rindërtimin e vendit.