Thaçi apo Kurti udhëheqës i dialogut? Molliqaj befason me përgjigjen
Deputeti i Partisë Socialdemokrate, Dardan Molliqaj, duke folur për dialogun me Serbinë në “Debat Plus”, thënë se mes Presidentit Thaçi e Albin Kurtit, procesin e dialogut do t’ia besonte më shumë këtij të fundit, njofton Insajderi.com.
“Prirja e parë që ka me thanë është Albin Kurti. Dmth, nuk ke se si e mendon ndryshe”, ka theksuar Molliqaj.
Ndër të tjera, Molliqaj ka kërkuar të dijë rreth platformës që udhëheqësit kosovarë, do t’ua shtronin gjatë dialogut.
“Më shumë se sa çështje e besimit, kisha deshtë edhe prej Kurtit e cilit do tjetër me ditë, cila është platforma që duhet me e negociuar me Serbinë. Serbia i ka dorëzuar tri oferta si platforma për dialogun që ka me vazhdua, Kosova asnjë platformë nuk e ka dorëzuar në institucionet relevante”, ka thënë Molliqaj në RTV Dukagjini.
Molliqaj, gjatë debatit ka folur edhe për rëndësinë e miratimit të rezolutës për hapjen e kufirit dhe heqjen e roamingut në mes Kosovës dhe Shqipërisë.
