Tetovë, 28 vjeçarja viktimë e të shtënave në dasëm

Një vajzë nga Tetova mbrëmë është plagosur nga një plumb qorr në fshatin Kamjan, në një dasmë familjare. B.R, 28 vjeçare është goditur nga plumbi në qafë. Ajo menjëherë është dërguar në Klinikën e Tetovës, ku pas një ndërhyrje kirurgjikale është jashtë rrezikut për jetë. 

SPB në Tetovë bëri të ditur se pas ekspertizës në vendin e ngjarjes autori i dyshuar është 53 vjeçari B.Z, ku i është gjetur pistoleta dhe fishekët, thuhet në njoftimin  e lëshuar nga SPB-Tetovë. Ky është rasti i dytë i plagosjes së viktimave në dasma dhe ahengje familjare në Tetovë dhe Gostivar. 

MPB vazhdimisht ka apeluar që të shmangen të shtënat me armë zjarri në këto ceremoni familjare, duke paralajmëruar sanksione dhe dënime të larta.