Mësohet arsyeja e shoqërimit në polici të aktorit Mensur Safqiu
Aktori Mensur Safqiu është shoqëruar në polici gjatë mëngjesit të sotëm.
KALLXO.com mëson se Safqiu është shoqëruar nën arsyetimin se banorët janë ankuar pasi që ai e kishte bllokuar rrugën njëkahëshe me veturën e tij.
Pas marrjes së informatës, policia ka shkuar në vendin e ngjarjes ku më pas është shoqëruar në polici për shkak të mospërfilljes së urdhrave të zyrtarëve policorë.
KALLXO.com mëson edhe se Safqiut i është konfiskuar vetura pasi në të janë gjetur disa lëndë të lëngshme të dyshuara të cilat janë dërguar në laborator për analiza.
