Xhamia e vjetër në Strugë mund të rinovohet me donacion turk
Ambasadori i Republikës së Turqisë në Maqedoni Gyroll Sokmensur me bashkëpunëtorët qëndroi për një vizitë pune në Komunën e Strugës.
Gjatë qëndrimit në Strugë, ambasadori u takua me myftiun Ferat Polisi, në godinën e Myftinisë së Strugës, ku raportohet se u interesua për një sërë çështjesh, sidomos në drejtim të trashëgimisë kulturore dhe fetare.
Gjithashtu një nga temat e takimit ka qenë edhe rinovimi i xhamisë së vjetër në qytetin e Strugës, dhe mundësia për ndihmë në këtë drejtim nga Republika e Turqisë, pohon myftiu i Strugës, Ferat Polisi.
?Ambasadori Turk në Maqedoni Gyroll Sokmensur, u takua edhe me kryetarin e Komunës së Strugës Ramiz Merko, me të cilin bisedoi për një sërë tematikash me interes të dyanshëm.
Merko pohon se me ambasadorin turk gjatë takimit, të cilin e përshkruan si shumë miqësor u shkëmbyen mendimet për një sërë çështjesh si dhe u fol për shumëfishimin e lidhjeve ekonomike dhe kulturore me Republikën e Turqisë. /Portalb