Qeveria sërish në borxh
Kuvendi në seancën e sotme të 29-të votoi Ligjin e ri për huamarrje tek Banka Ndërkombëtare për Ridërtim dhe Zhvillim.
Me 51 vota për dhe 29 kundër u miratua ky ligj me të cilin do të bëhet financimi shtesë i Projektit për përmirësimin e shërbimeve komunale.
Vlera e përgjithshme e huas së re është 37 milionë euro.
Qëllimi i kësaj huaje është që të përmirësohet transparenca, qëndrueshmëria financiare dhe cilësia e kryerjes së shërbimeve komunale tek pjesëmarrësit komunal në projektin.
Opozita refuzoi ta mbështes këtë ligj për shkak të faktit siç thonë në komuna ka mjaft para për zgjidhjen e problemeve komunale. /portalb/