Dhjetë vjet nga fatkeqësia me helikopter afër Bllacës
Me vendosje të luleve në përkujtimoren afër Bllacës, Katllanovë, sot do të shënohen dhjetë vjet nga fatkeqësia me helikopter në të cilën e humbën jetën 11 pjesëtarë të brigadës të flotës ajrore të ARM-së.
Lule do të vendosin delegacione nga Ministria e Mbrojtjes (MM), Shtatmadhoria (SHA) e ARM-së, Kabineti i Presidentit të Republikës së Maqedonisë, komanda e bashkuar operative, brigada e flotës ajrore, brigada e parë e mekanizuar këmbësorike dhe anëtarë të familjeve të pjesëtarëve të vdekur.
Delegacioni i MM-së do të udhëhiqet nga ministrja Radimila Shekerinska, ndërsa delegacioni i SHM-së nga zëvendësi i SHM-së të ARM-së, gjeneralmajor Muhamet Racaj.
Një delegacion i MM-së dhe ARM-së të udhëhequr nga zëvendësministri Bekim Maksuti do të vendosin lule në përkujtimoren e pjesëtarëve të ndjerë të ARM-së në kazermën “Butmir” në komandën e misionit ALTEA në Bosnjë e Hercegovinë.
Paraprakisht, delegacione të MM-së dhe ARM-së do të vendosin lule edhe në përkujtimoren para komandës së brigadës ajrore në kazermën “Strasho Pinxhur” në Petrovec.