Guteresh i vjen keq për tërheqjen e SHBA-së nga deklarata për emigracion
Sekretari i përgjithshëm i Kombeve të Bashkuara, Antonio Guteresh ka shprehur keqardhje për shkak të tërheqjes së SHBA-së nga Deklarata globale për emigracion.
Deklarata parashikonte koordinim të shteteve nga mbarë bota për çështjet me interes për emigrantët dhe refugjatët.
Administrata e Donald Trampit vlerësoi se për këto çështje janë kompetent vetë shtetet, e jo organizatat globale si KB-ja dhe kumtoi se tërhiqet nga marrëveshja.
“Shumë dispozita në deklaratë nuk janë në pajtim me politikat e SHBA-së për refugjatët dhe emigrantët”, informoi Uashingtoni.
