Hoti: Shumë padrejtësi iu bë Limajt, por nuk u dorëzua
Nisma për Kosovën ka vazhduar turin e falënderimit për besimin dhe mbështetjen e qytetarëve të Kosovës në përballjen e Fatmir Limajt me padrejtësinë.
Kjo parti ka mbajtur një tubim me degën e kësaj partie në Gjakovë.
Më këtë rast, deputeti Enver Hoti ka thënë se janë bërë sonte bashkë për të falënderuar gjithë qytetarët e Gjakovës për përkrahjen dhe besimin ndaj kryetarit Limaj.
Hoti foli edhe për padrejtësitë që i janë bërë Limajt, ku tha se pavarësisht linçimeve, montimeve ai nuk u dorëzua asnjëherë në të drejtën e tij.
Deputeti i Kuvendit të Kosovës foli edhe për anëtarin e Kryesisë Endrit Shala, për të cilin tha se është një shembull, i cili përkundër presionit dhe shantazhëve nuk hoqi dorë nga qëndrimi afër Limajt.
E nga ana e tij, zv/ministri i Punës dhe Mirëqenies Sociale, Çerkin Dukolli, falënderoj gjithë ata qytetarë të Gjakovës që janë rreshtuar që nga fillimi pas Kryetarit Limaj dhe janë bërë pjesë e Nismës.
“Jemi falënderues dhe mirënjohës për përkrahjen tuaj për Nismën. Ky vit është viti i Fatmir Limaj, ai triumfoi përballë padrejtësive që ju bënë, andaj ju falënderojmë dhe jemi mirënjohës që besuat në pafajësinë e liderit Limaj.
Edhe kryetari i degës së Nismës në Gjakovë, Fazli Hoxha ka thënë se qytetarët e Gjakovës asnjëherë nuk kanë rreshtur se besuari në pastertinë e Limajt. Hoxha beson se viti i ardhshëm më të drejtë mund të vlerësohet si vit i Fatmir Limajt.