Rusia i bëri thirrje Koresë së Veriut t’i ndalojë provat raketore

Rusia sot i bëri thirrje Koresë së Veriut që t’i ndalojë provat e saj raketore, por gjithashtu i bëri thirrje edhe SHBA-së dhe Koresë së Jugut që t’i anulojnë stërvitjet ushtarake që i planifikojnë për në dhjetor.

Sipas Ministrisë ruse të Punëve të Jashtme, stërvitjet ushtarake  në mënyrë shtesë vetëm do ta përkeqësojnë gjendjen në rajon.

Thirrja ruse vjen një ditë pas provës së fundit raketore të Koresë së Veriut, ku  një raketë balistike ka rënë në afërsi të Japonisë.