Japonia i përforcon kontrollet për shkak të anijeve koreanoveriore
Japonia i ka përforcuar patrullimet dhe bëri thirrje për kujdes pasi disa anije me anëtarë të vdekur të ekuipazhit, për të cilët supozohet se janë nga Koreja e Veriut, ishin gjetur afër bregut verior japonez.
Zëdhënësi i qeverisë japoneze Joshihide Suga, duke u përgjigjur pyetjeve të gazetarëve në lidhje me anijen me shtatë trupa të pajetë që u gjetën dje në prefekturën Akita, deklaroi se roja bregdetare dhe policia duhet të bashkëpunojnë që të përforcohen kontrollet rreth Japonisë.
Suga tha se Qeveria do t’i përforcojë kontrollet mbi anijet e dyshimta dhe njerëzit që vijnë në Japoni dhe shtoi se qytetarët dhe peshkatarët duhet të denoncojnë dukuri të dyshimta.
Policia javën e kaluar ka shpëtuar tetë peshkatarë nga Koreja e Veriut, anija e të cilëve është përplasur në breg.
Nuk dihet nëse dhjetëra anijet e Koresë së Veriut të cilat çdo vit i afrohen bregut japonez, atë e bëjnë me qëllim apo nuk mund të kthehen në shtëpi për shkak të anijeve joadekuate.
Anija, e cila u gjet dje, nuk ka pasur flamur apo shenja të tjera, por ishte e ngjashme me anijet e tjera të pajisura dobët nga Koreja e Veriut.
Mediat japoneze lajmërua se tetë trupa të pajetë janë gjetur nën kuvertën e anijes.