Do të hulumtohen shkaqet e zjarreve në vend
Qeveria në seancën e mbrëmshme kërkoi që të hulumtohen shkaqet e zjarreve nëpër vend, njofton Portalb.mk.
Në seancën që u mbajt mbrëmë deri vonë ka marrë pjesë edhe zëvendësdrejtori i Drejtorisë për Shpëtim dhe Mbrojtje, Shaban Saliu i cili i ka informuar ministrat për gjendjen e zjarreve në rajonin e Makedonski Brod dhe në lokacionet e tjera të vendit. Në atë kontekst Qeveria e Republikës së Maqedonisë u ka shpreh falënderim të madh Republikës së Bullgarisë si dhe Republikës së Turqisë për ndihmën e dërguar për menaxhimin me zjarret.
Është theksuar se institucionet janë në terren deri sa të shuhen zjarret, janë marrë edhe obligime që të hulumtohen shkaqet për shfaqjen për zjarret e shpeshta në më shumë lokacione nëpër vend.
