Alpion: Rama injoron peticionin për “Rruga e Arbërit”
Gëzim Alpion është iniciatori i realizimin e projektit të pritur më shumë se një dekadë,”Rruga e Arbërit”.
Me këtë rast, organizatorët e peticionit online për realizimin e projektit mbarëkombëtar ,, Rruga e Arbërit,, të kryesuar nga profesori i njohur universitar që ligjëron në universitetin e Birminganit , Gëzim Alpion kanë shprehur pakënaqësi të madhe ndaj kryeministrit të Republikës së Shqipërisë,Edi Rama, për mos pranimin e tyre në Tiranë.
Kryesuesi i këtij grupi intelektual Gëzim Alpion në një prononcim të tij për mediat shqiptare, theksoi se Qeveria shqiptare në këtë mënyrë shmang projektin madhor “Rruga e Arbërit”. Ai theksoi se më se dhjetë ditë ka qëndruar në Shqipëri me qëllim që të lobojë dhe të dorëzojë 6500 nënshkrime online në formularë nëpërmjet internetit .
Gëzim Alpion ka patur takime me grupin lobues për vazhdimin e ndërtimit të Rrugës të Arbërit në Peshkopi, Tiranë dhe Vlorë. Ai së bashku me organizatorët e tjera ka pasur bisedime konstruktive me presidentin Bujar Nishanin, me Kryetarin e parlamentit të Republikës së Shqipërisë, Ilir Meta por jo edhe me kryeministrin Edi Rama.
Në reagimin e grupit nismëtar për peticionin thuhet se edhe përkundrejt këtij qëndrimi të kryeministrit shqiptar por edhe të disa kuadrove të partisë në pushtet siç është Shkëlqim Cani Ministër aktual i financave dhe deputet nga zona e Dibrës, aktivitetet e grupit për lobimin e ndërtimit të Rrugës të Arbërit do të vazhdojnë.
“Dibra dhe dibranët dhe mbarë populli shqiptar kërkon patjetër vazhdimin e punimeve të Rrugës të Arbërit”, ka theksuar grupi nismëtar i peticionit në krye me Gëzim Alpion.