Persona të maskuar plaçkitin 12 mijë euro nga “Western Union” në Xhon Kenedi

Dy persona të maskuar dhe të armatosur me pistoletë të mërkurën në mëngjes e kanë plaçkitur filialin e “Western Unionit” në rrugën “Xhon Kenedi” në lagjen “Çair”, njoftoi policia. 

Ata e kanë kërcënuar të punësuarin se do të shtënë ndaj tij nëse nuk ua jep çelësin e kasafortës.

Nga frika i punësuari ua ka dhënë çelësin dhe plaçkitësit kanë arritur ta hapin kasafortën, me çrast kanë vjedhur 10.600 euro, 1.550 dollarë amerikanë dhe 33.500 denarë.