Selami: Basha si Ramiz Alia, nëse humbas s’pranoj asnjë post politik prej tij
Kur mbeten edhe katër ditë nga votimi për kryetarin e Partisë Demokratike, Eduard Selami duket shumë më i karikuar se sa kur e nisi këtë garë.
“Ka humbur tre herë dhe nuk u largua nga drejtimi i Partisë”, ka thënë Selami për Bashën në “Debati në Channel One”.
Nga ana tjetër Selami tha se nëse do të humbiste garën e të shtunës nuk do të pranonte asnjë post politik në PD të ofruar nga Lulzim Basha.
“Unë hedh poshtë me neveri aludimet se më është afruar posti i sekretarit të Përgjithshëm në PD si shpërblim për të qenë kandidat përballë Bashës. Kjo është një shpifje dhe dashakeqësi”, tha Selami.