Shaqiri në United bashkohet me Januzajn!?

Xherdan Shaqiri mund t’i japë fund aventurës së tij tek gjiganti gjerman Bayern Munich.
Së fundmi interesim të madh për yllin kosovar është duke shprehur edhe ish-kampioni i Anglisë, Manchester United. 

Skuadra angleze që kishte një stinor të tmerrshëm dëshiron ta përtërijë skuadrën dhe këtë synon ta nisë nga Shaqiri.

Numri 11 i Bayernit, ka treguar se nuk është i kënaqur me minutat që ia ka ofruar Guardiola dhe mund të ndërrojë mjedis gjatë afatit kalimtar të verës.

Sipas mediave angleze, për shërbimet e mesfushorit nga Gjilani, United pritet të ofrojë 20 milionë euro. Xherdani ka kontratë me Bayernin deri në vitin 2016, mirëpo sipas mediave angleze 20 milionët që do t’i ofrojnë ‘Djajtë e Kuq’, do të jenë të mjaftueshme që Bayerni të heqë dorë nga ai.