Zakonet martesore kineze

Në Kinë, një dasmë mund të shfaqë shumë elemente tradicionale e kulturore. Dasmat tradicionale karakterizohen nga zgjedhja e ngjyrës së kuqe për të zbukuruar pasi ajo përmban kuptimin e lumturisë dhe gëzimit.

Përveç gëzimit, kinezët shprehin nderim për prindërit gjatë dasmës. Pjesa më e rëndësishme e një dasme në Kinë është ceremonia e përcjelljes së respektit dhe falënderimeve për prindërit e çiftit të ri si edhe përkujdesjen e çiftit gjatë jetës.

Në rastin e ritit martesor ekziston zakoni që vendoset fjala “Lumturi e dyfishtë” mbi një copë letre të kuqe që ngjitej mbi hyrjen e shtëpisë, mbi mobilie ose mbi çfarëdo objekti tjetër të dhomës së çiftit. Tregohet se ky zakon ka nisur nga Wang Anchi, një kryeministër i njohur i dinastisë Song. “Lumturi e dyfishtë” do të thotë fat për të dy familjet, për atë të nuses dhe për atë të dhëndrit. Nëse do të shihni në Kinë këtë pusullë të ngjitur në pragun e ndonjë shtëpie, mund të hyni për të qenë të pranishëm në ritin martesor. Të sapomartuarit do të ndihen shumë të kënaqur nga prania juaj.