Saliu: Ndihma nga SHBA-ja të vazhdojë edhe në të ardhmen
Ministri i Drejtësisë, Bylent Saliu sot pati takim me ambasadorin e SHBA-së, Xhes Bejli, ku u bë fjalë për reformat që duhet të ndërmerren nga ana e Qeverisë, reformat që duhet ta çojnë vendin drejt efikasitteit të shtuar, transparencës dhe zbatimit të ligjit dhe integrimit euro-atlantik.
Ministri Saliu i shprehu falënderim Bejlit dhe Qeverisë së SHBA-së për ndihmën dhe mbështetjen e vazhdueshme për zhvillimin e sistemit të drejtësisë në Maqedoni.
Siç kumtoi Ministria e Drejtësisë, Saliu ka shprehur dëshirë që bashkëpunimi dhe ndihma nga SHBA-ja të vazhdojë edhe në të ardhmen gjatë procesit të përforcimit të sundimit të së drejtës, përforcimit të pavarësisë së gjyqësisë dhe kthimit të besimit të qytetarëve në institucionet e drejtësisë.
Ambasadori Bejli e uroi ministrin Saliu për emërimin e tij në funksionin e ri, duke e cekur mbështetjen të cilën SHBA-ja ia ka dhënë Republikës së Maqedonisë në sferën e jurisprudencës. Bejli shfaqi bindje se SHBA-ja do të vazhdojë ta mbështesë Republikën e Maqedonisë në procesin e zhvillimit të sistemit të drejtësisë.
