Pritet dëshmia e ish-shefit të FBI-së lidhur me përfshirjen ruse në zgjedhjet në SHBA
Shkrimet e “Washington Post”, “Neë York Times” dhe “Politico” tregojnë se marrëdhënia mes kryeprokurorit dhe shefit të Shtëpisë së Bardhë ka ardhur në përshkallëzim, që kur Sessions e distancoi veten nga çdo përfshirje në hetimin e Rusisë shkruan Tch.
Të njëjtat media raportojnë, sidoqoftë, se Trump e ka refuzuar dorëheqjen e tij. Dëshmia e Comeyt përpara Komitetit të Inteligjencës në Senat do të mbërthejë vëmendjen e Uashingtonit, sepse me shumë gjasë do të pyetet mbi diskutimet private me Trump lidhur me hetimin dhe fushatën e miliarderit, si dhe mbi ish-këshilltarin e Sigurisë Kombëtare, Michael Flynn, të akuzuar për lidhje me Moskën.
“Washington Post” pretendon se Trump i ka kërkuar Dan Coats, shefit të Inteligjencës Kombëtare, të përpiqet ta bindë FBI-në të heqë dorë nga hetimi i Flynn. Edhe vet Coats do të dëshmojë përpara Komitetit të Inteligjencës.
Pretendimet se Comey nuk dëshiron të jetë vetëm me presidentin i përcollën fillimisht “Neë York Times” dhe “Associated Press”, të cilat thonë se ish-kreu i Byrosë Federale të Hetimit beson që prokurori i Përgjithshëm duhet ta mbrojë FBI-në nga ndikimi i Shtëpisë së Bardhë.