Rënie rekord në popullsinë e Japonisë
Vitin e kaluar Japonia ka regjistruar rënien më të madhe të numrit të popullsisë në 117 vitet e fundit, transmeton Anadolu Agency (AA).
Sipas agjencisë së lajmeve Kyodo, një hulumtim i realizuar nga qeveria ka treguar se në vitin 2016 në Japoni ka lindur numri më i vogël i foshnjave, ndërsa është regjistruar numri më i madh i vdekjeve.
Sipas hulumtimit, në vitin 2016 në Japoni kanë lindur 976.979 foshnje, apo 28.698 më pak sesa në vitin paraprak. Kjo është shifra më e ulët e lindjeve që nga viti 1899, kur ka filluar regjistrimi i popullsisë, dhe për herë të parë regjistrohet nën një milion.
