Gostivar, procedurë hetimore kundër babait që sulmoi të birin me armë

Prokuroria Themelore Publike Gostivar ka sjellë urdhër për procedurë hetimore kundër babait dhe birit të përfshirë në incidentin e armatosur ndërmjet vete, njofton Portalb.mk.

Sipas informatave, incidenti ka ndodhur kur biri B.S., pas një konflikti verbal në shtëpi ka sulmuar fizikisht babain e tij A.S. me grushte duke i shkaktuar lëndime trupore në pjesën e kokës duke i thënë kërcënime të rrezikshme se do t’ia marrë jetën por për këtë është ndaluar nga vëllai i tij R.S., i cili arriti ta nxjerrë jashtë që ta qetësojë.

Por, B.S., nuk është qetësuar dhe ka vazhduar të godasë derën me çka babai i tij A.S. nuk ka duruar dhe ka sulmuar me armë, armë me kalibër 7.65 mm, pa leje për mbajtje, në drejtim të B.S. duke e plagosur në muskulin e dorës së majtë me çka i ka shkaktuar plagë hyrëse-dalëse.

Pas ngjarjes janë arrestuar që të dy kurse prokurori kompetent ka dhënë urdhër për ekspertizë të vendit të ngjarjes.