Arrestohet një burrë nga Koreja Veriore, i dyshuar për vrasjen e gjysmëvëllaut të Kim Xhon-unit
Policia e Malajzisë e ka arrestuar një person nga Koreja e Veriut, i cili dyshohet për vrasjen e Kim Xhong-nam, gjysmëvëllau i liderit verikorean Kim Xhong-un.
Autoritetet e kanë arrestuar të dyshuarin e fundit 46-vjeçarin Ri Xhong Çoll dje në mbrëmje në Selangor, pranë kryeqytetit të Malajzisë, por nuk ka detaje të mëtejshme.
Ndërkohë, një grua indoneziane, një burrë dhe një grua malajziane me pasaportë vietnameze u arrestuan më herët.
Policia beson se Kim Xhong-nam i është injektuar helm në fytyrë në momentin kur ai ishte duke pritur për të hipur avionin nga Kuala Lumpur në Makau.
Policia ka kryer ekzaminimin pas vdekjes së Kim Xhong-nam, por rezultatet ende nuk janë bërë publike. Koreja e Veriut ndërkohë ka kërkuar që Malajzia t’i kthejë trupin.
