Shefi i diplomacisë ruse, Lavrov: Ja çfarë përgatisin Turqia, Rusia dhe Irani
Rusia, Turqia dhe Irani përgatiten për takimin e ri mes pjesëtarëve të Qeverisë siriane dhe opozitës, deklaroi sot shefi i diplomacisë ruse, Sergej Lavrov.
Ai shtoi se do të bëhen “përpjekje të reja” për zgjidhjen e krizës në Siri.
Ministria e Punëve të Jashtme të Kazakistanit dje njoftoi se delegacionet e qeverisë siriane dhe kryengritësit, së bashku me përfaqësuesit e Kombeve të Bashkuara për Sirinë, Stefan de Mistura, janë ftuar të marrin pjesë në takimet për krizën siriane, që do të mbahen në Astana më 15 dhe 16 shkurt.
