Policët sllovakë, në bazë të Memorandumit për mirëkuptim midis ministrive të punëve të brendshme të Republikës Sllovake dhe Republikës së Maqedonisë, zbatojnë aktivitete të përbashkëta patrulluese me kolegët nga Maqedonia në kufirin shtetëror me Greqinë, me qëllim të parandalimit në sferën e sigurisë publike dhe kalimin e paautorizuar të kufirit shtetëror.
Policët do të pajisen në mënyrë të duhur – me automjete motorike në terren, kamera dhe pajisje termale për shikim gjatë natës. Mandati i misionit policor sllovak do të jetë 30 ditë me mundësi për vazhdim.
Sllovakia në vitin 2016 ka dërguar gjithsej 125 nëpunës policorë, që, siç theksojnë në kumtesë nga Ambasada e Sllovakisë në Maqedoni, është kontributi më i madh për kokë banori prej tetë shteteve të huaja të cilat marrin pjesë në operacionet e përbashkëta në Maqedoni.
“Ndihma është shprehur në solidaritet në zgjidhjen e krizës migruese dhe në kontekst të kryesimit të fundit të përfunduar sllovak në Këshillin e BE-së, ku një nga prioritetet ishte ‘politika e qëndrueshme migruese dhe e azilit'”, qëndron në kumtesë.
