Erdogan: Ekonomia turke është nën sulm “terrorist”
Presidenti turk Rexhep Taip Erdogan deklaroi se ekonomia e vendit ndodhet nën sulm “terrorist” të ngjashëm me numrin e madh të sulmeve nga muajt e fundit.
Ai u ka bërë thirrje qytetarëve që të vazhdojnë t’i shesin dollarët dhe eurot, të cilat i kanë që t’i kundërshtohen kërcënimit.
Në Turqi vitin e kaluar janë kryer mbi 30 sulme të mëdha terroriste, fillimisht nga luftëtarët kurdë dhe anëtarët e Shtetit Islamik. Siguria e çrregulluar e kombinuar me jostabilitet politik, kulminacioni i së cilës ka qenë tentativa për grusht ushtarak në korrik, u pasqyrua në ekonomi. Lira turke këtë javë është në nivelin rekord të ulët në raport me dollarin.
“Nuk ka dallim, sa i përket caqeve, mes një terroristi me pistoletë ose një bombe në dorë dhe një terroristi, i cili ka dollarë, euro dhe përqindje në normën e interesit”, theksoi Erdogan.
