Kumanova, Manastiri dhe disa pjesë të Shkupit, me ajër më të ndotur

Kumanova, Manastiri dhe disa pjesë të Shkupit, sot në mëngjes janë shënuar si vendet me ajër më të ndotur në Maqedoni, njofton Portalb.

Në vendbanimet e Shkupit, më të ndotura janë Milladinovë Lisiçe dhe Karposh.

Megjithatë, Kumanova, ngelet si qyteti më i ndotur në Maqedoni me 284 mg/m3 grimca PM10. Kjo ndotje është për thuajse gjashtë herë më e madhe se sa kufiri maksimal i lejuar i ndotjes, gjegjësisht 50 mg/m3.

Kjo shihet në informatat për kualitetin e ajrit ambiental, të dhënat e të cilave merren nga stacionet matëse.

Gazi Baba, Qendra, Tetova dhe Kavadari ende ngelen në rangun e qyteteve me nivel të lartë të ajrit të ndotur. /Portalb