Shpërthim në tregun e fishekzjarrëve, 29 të vdekur e 72 të plagosur në Meksikë (VIDEO)

Të paktën 29 persona kanë humbur jetën dhe 72 të tjerë janë plagosur në Meksikë si pasojë e një shpërthimi në një treg fishekzjarrësh, në një zonë në veri të Meksiko Sitit.

Lajmin e bëjnë të ditur agjencitë lokale, sipas të cilave tregu ndodhet në Tultepec, 40 kilometra në veri të Meksiko Sitit. Tregu ishte i tejmbushur me qytetarë që blinin fishekzjarre për të festuar Vitin e Ri.

Rreth 25 ambulanca kanë shkuar menjëherë në vendngjarja, ndërsa autoritete kanë bërë apel që qytetarët të qëndrojnë larg kësaj zone.

Ende nuk dihen arsyet e këtij shpërthimi, me autoritetet që thonë se fillimisht janë të përkushtuar të kujdesen për njerëzit që kanë pësuar nga kjo ngjarje dhe më pas do të nisin hetimet për ngjarjen.