Singapori i njeh pavarësinë e Kosovës

Ministri i Punëve të Jashtme , Enver Hoxhaj ka konfirmuar se Singapori është shteti më i ri që e njeh pavarësinë e Kosovës.

Ky është postimi i plotë i ministrit Hoxhaj:

Një tjetër lajm i mirë për Kosovën. Singapori është shteti më i ri që e njeh pavarësinë e vendit tonë. Kam takuar e lobuar pa ndërprerë duke zhvilluar vizitën fillimisht në këtë shtet në vitin 2013, zhvilluar shumë biseda e takuar sërish ministrin e Jashtëm, Vivian Balakrishnan në Neë York. Tani numërojmë 113 njohje. Urime

Ndryshe, Singapori është i vendosur në Azinë Juglindore dhe ka popullsi prej 5.7 milionë banorësh. Singapori është një nga vendet më të zhvilluara në botë dhe nga GDP për kokë banori është vendi i 3-të në botë.