Në vend të gazetarisë, parashikime nga topi i kristaltë
[Recension: Bashkimi i Ziadinit me Abdylhadinë/ LR-PDSH-ja do të përfundojë si PPD-ja?]
Përmes lajmit, lexuesi informohet për atë që ka ndodhur, jo për atë që mund të ndodhë. Gazetari nuk është parashikues i ardhmërisë e as hartues i agjendave politike. Duhet të bëhet dallimi mes gazetarit dhe lexuesit, pasi që ky i fundit mund të jep konkluzione vetëm pasi autori ose gazetari të informojë në mënyrë objektive dhe profesionale.
Abdylhadi Vejseli njihet si një kryetarë i cili ka kaluar në shumë koalicione me partitë shqiptare dhe në fund arriti që partinë e vet ta shkri në PDSH. Vejseli sot është parë në një tryezë më Ziadin Selën që drejton Lëvizjen për Reforma PDSH, parti e cila së fundmi nuk mund të gjejë asnjë parti shqiptare opozitare e cila bashkohet për një bashkëpunim parazgjedhor pë të gruar në zgjedhjet e parakohshme parlamantare që do të mbahen me 11 dhjetor. Ky bashkim i Vejselit dhe Selës është aq i rrezikshëm sa që LRPDSHja e Selës pas zgjedhjeve mund të shndrrohet një PPD me 10 anëtarë ku 9 do të thonë se janë kryetarë të LRPDSHsë.
Teksti që po recensojmë sjell qëndrime, në të cilat nuk përcaktohet nëse i ka thënë dikush apo janë qëndrime personale të gazetarit e që përmes lajmit janë përcjellë sikur të jenë fakte.
Linku deri te artikulli origjinal: “Bashkimi i Ziadinit me Abdylhadinë/ LR-PDSH-ja do të përfundojë si PPD-ja?”
Data dhe koha e publikimit: 15.10.2016
Data e recensionit: 16.10.2016
Recensues: Adrian Kerimi
“Gazetari duhet të sigurojë distancë profesionale prej subjekteve politike”, thuhet në Kodin etik të gazetarëve. Zhvillimet politike duhet të komentohen nga njerëz eminent, analistë apo politikologë. Gazetari duhet t’i referohet palës së tretë, për të kompletuar lajmin. Në këto raste, njohësit e rrethanave politike janë të domosdoshëm. Qëndrimet e tyre e balancojnë informimin, ndërsa gazetarit i heqin mundësinë e komentimit, por jo edhe përgjegjësinë për bashkëbiseduesin.
PPDnë e Vejselit në mënyrë të heshtur nga foleja e vetë e largoi Lëvizja BESA ku pas bashkimit me PPDnë BESA nisi rrënje drastike në opinion dhe në fund as që i bëri edhe ftesë publike për bashkim opozitarë PDSHja e Thaçit më së shumti iu është gëzuar bashkimit të Selës me Vejselin sepse PDSHja vite më parë ia ka lexuar mendejn Vejselit dhe bashkëpunimi me të është një humbje e sigurt. Opozita definitivisht nuk bashkohet, zgjedhjet afrohen dhe fitorja e lehtë i shkon BDIsë pa punuar që 12 vite në qeverisje, ndërsa Sela mund të pijë kafe me Abdylhadinë. /TetovaSot
Teksti më shumë i ngjason një statusi nëpër rrjetet sociale, se sa një përmabajteje që meriton të publikohet në media. Joprofesionalizmi gazetaresk kulmon në fund, kur gazetari u sugjeron dy protagonistëve të tekstit që të pinë kafe pas zgjedhjeve. Lexuesi nuk ka nevojë për një koment të tillë, por për lajm dhe informacion mbi zhvillimet politike. Gazetari mund t’i komentojë zhvillimet, është e drejtë e tij profesionale dhe njerëzore, mirëpo gjithnjë duke u bazuar në qëndrime konstruktive dhe të argumentuara, me përgjegjësi dhe etikë profesionale.
Ky recension është përgatitur në kuadër të Projektit të USAID-it për përforcimin e mediumeve në Maqedoni – Komponenta Shërbimi për verifikimin e fakteve nga mediumet, që implementohet nga fondacioni Metamorfozis.. Ky recension është mundësuar me përkrahjen e Agjencisë amerikane për zhvillim ndërkombëtar (USAID). Përmbajtja e analizës është përgjegjësi e autorit dhe nuk i paraqet qëndrimet e fondacionit Metamorfozis, USAID-it ose të qeverisë së SHBA-ve. Për më tepër informata për punën e USAID-it në Maqedoni, ju lutemi vizitoni ueb-faqen e USAID-it: (http://macedonia.usaid.gov) dhe faqen e USAID-it në Facebook: (www.facebook.com/USAIDMacedonia).
