Fillon raundi i ri i bisedimeve Prishtinë-Beograd
Sot ka filluar raundi i ri i bisedimeve Prishtinë-Beograd me temë “targat”
Raundi i ri i bisedimeve Beograd-Prishtinë në nivelin teknik ka filluar sot pasdite në Bruksel
Tanjug raporton se tema e bisedimeve të së mërkurës do të jetë ajo për lëvizje të lirë dhe për qarkullim të veturave me targa të Kosovës në territorin e Serbisë.
Ditën e dytë më 8 shtator do të mbahen takime për çështjen e diplomave dhe kadastrit, më 9 shtator takimi për vlerësimin e procesit të revitalizimit të urës së Mitrovicës pas heqjes së barrikadës, ndërsa më 13 shtator takimi i radhës për çështjen e kodit shtetëror telefonik për Republikën e Kosovës.
Gjatë tri ditëve të bisedimeve në Bruksel delegacionin e Beogradit e udhëheq drejtori i zyrës për Kosovë Marko Gjuriq ndërsa atë të Prishtinës ministrja për Dialog Edita Tahiri.
