BMW X6 M me pamje tërheqëse (Foto)
Në sallonin BMW Abu Dhabi është duke u ekspozuar edhe BMW X6 M, të cilit i janë modifikuar një numër elementesh me qëllim që të ketë një pamje edhe më tërheqëse.
Ndër elemente të modifikuar të këtij X6 M, është spoileri i ri i përparmë dhe pragjet nga fibra të karbonit, maska e përparme M Performance me ngjyrë të zezë shkëlqyese, difuzer i pasmë, si dhe spoiler mbi bagazh nga AC Schnitzer, transmeton Koha.net.
Ky BMW X6 M po ashtu vjen edhe me set të rrotave Vorsteiner nga alumini si dhe me sistemin Akrapoviç të shkarkimit të gazrave – i cili motorit 4.4-litër V8 ia shton 5 kuajfuqi, që në total është me kapacitet prej 580 kuajfuqi.