Formohet “Këshilli Koordinues i OJQ-ve për Vërshimet”
Me 6 Gusht 2016 në Maqedoni, kryesisht në rrethinën e Shkupit dhe Tetovës pas vërshimeve humbën jetën 22 persona, mbi 70 persona u lënduan dhe më tepër se 1000 persona u evakuan. Vendet prej Shkupit që më së shumti janë prekur nga vërshimet janë: Hasanbegu, Haraçina, Shtraçinca, Smillkovci dhe Stajkovci ndërsa në Tetovë më së shumti është prekur fshati Shipkovicë.
Të parët që iu dolën në ndihmë banorëve të vendeve që u preken nga vërshimet ishin Institucionet Shtetërore dhe Organizatat Jo-qeveritare me qëllim për të parndaluar numrin e viktimave. Në fazën e dytë Organizatat Jo-qeveritare i ndihmuan banorët e prekur nga vërshimet me ushqim, ujë të pijshëm, materiale higjienike, pako ushqimore dhe me gjitha materialet e nevojshme elementare jetësore. Në ditën e tretë të shpërndarjes së ndihmave është vërejtur një mos-koordinim ndërmjet Organizatave Joqeveritare.
“Pas kosulltimeve të bëra arritëm në përfundimin se duhet të ketë aktivitete të koordinuara dhe sistematike, dhe për këtë arsye është vendosur të themelohet “Këshilli Koordinues i OJQ-ve për Vërshimet”. Trupi në fjalë për Vërshimet” do të bëjë sistemimin e aktiviteteve aktuale humanitare, përpos kësaj do të jep mbështetje në shpërndarjen ndihmave që do të vijnë nga donatorët e jashtëm dhe të mbrendshëm”, thuhet në kumtesën e OJQ-ve.
Ata shtojnë se që nga dita e parë, pakot ushqimore dhe pakot me ujë të pijshëm nuk janë shpërnda mjaftueshëm në këto vende dhe se ky trup do të bëjë vlersimin e dëmeve (dëmet që kanë pësur familjet në mobilje, qilima, teknikë të bardhë, kafshët e ngordhura etj.) dhe do të merr hapa sistematike për sanimin e këtyre dëmeve.
Antarët e “Këshillit Koordinues të OJQ’ve për Vërshimet”:
- Shoqata ENSAR – Shkup
- K.H. MERHAMET – Tetovë
- Shoqata KOPRU – Shkup
- K. VIZIONI M – Shkup
- Shoqata AKTIVITETI – Shkup, Shtraçincë
- Klubi ELITA – Shkup
- Q. AKSI – Shkup
- Shoqata ARDHMËRIA – Tetovë
- Unioni Studentor Shqiptar – Shkup
- Lidhja e Nxënësve Shqiptar – Shkup
- Shoqata PARIMI – Shkup
Koordinator i “Këshilli Koordinues të OJQ’ve për Vërshimet” do të jetë Kryetari i Shoqatës KOPRU, Husrev Emin. Këshilli në fjalë do të jetë në kontakt me Qëndrën për Menaxhim me Kriza dhe institucionet e tjera përkatëse.
Kontakt: [email protected]
Husrev Emin : +389 71 331 689
Ridvan Xhaferi : +389 70 780 480
Bekir Ibis : +389 78 393 588