Arabia Saudite intercepton dy raketa të lëshuara nga Jemeni
Mbrojtja ajrore saudite mëngjesin e së mërkurës, ka interceptuar dy raketa të shkrepura nga territori i Jemenit që shënjestër kishin qytetet Abha dhe Khamis, thonë zyrtarët e koalicionit të udhëhequr nga Arabia Saudite, koalicion i cili është formuar të luftojë kundër grupit shiit të milicëve Husi, raporton Anadolu Agency (AA).
Në një deklaratë të publikuar nga agjencia zyrtare e shtypit saudit, thuhet se komandantët e koalicionit njoftuan se raketat janë interceptuar pa shkaktuar ndonjë dëm.
