Boko Haram zgjodhi lider të ri
Grupi Shteti Islamik kumtoi se partneri i tyre nga Afrika Perëndimore, Boko Haram e zgjodhi për lider të ri zëdhënësin e këtij grupi Abu Musaba al – Barnavi, pa sqaruar se çka ka ndodhur me liderin e deritanishëm, Abubakar Shekaj.
Boko Haram, e cila humbi një pjesë të madhe të territoreve që kontrollonte para 18 muajve, tani tenton ta rrëzojë pushtetin në Nigeri.
Në trazirat e tyre shtatëvjeçare, të cilat lideri i ri e quan “lufta e myslimanëve kundër mbeturinave dhe kryqmbajtësve”, deri tani kanë humbur jetën mbi 20.000 persona, kryesisht në pjesën verilindore të vendit.