Dua Lipa performoi në emisionin e famshëm të Jimmy Fallon (Video)
Këngëtarja me origjinë nga Kosova, Dua Lipa, performoi këngën e saj “Hotter than Hell” në emisionin e famshëm “Tonight Show With Jimmy Fallon”.
Fallon, që është një nga prezantuesit më të njohur në botë, Lipën e prezantoi si “pop yllin britanik në ngritje, që po e bën debutimin në Amerikë”. Për këtë paraqitje, Dua, mori shumë kritika pozitive për paraqitjen dhe këndimin.
Në këtë edicion të këtij emisioni amerikan, mysafirë ishin edhe Xhonah Hill e Xhejdën Smith.
Dua, e njohur me disa hite tashmë, e ka arritur famën ndërkombëtare. Ajo është paraqitur në koncerte në disa Evropë, Amerikë e Australi.
Këtë verë, Dua veçse e ka nisur turin e saj të koncerteve. Në mesin e mbi 30 koncerteve ku do të shfaqet ajo, është edhe Prishtina. Më datë nëntë gusht, Dua Lipa, do të dalë para fansave të saj në Parkun e Gërmisë, ku është planifikuar koncerti. Përderisa biletat për këtë këtë koncert të Dua Lipës, janë në treg që nga dita e shtunë.
