Së paku 19 të vrarë gjatë një sulmi me thikë në Japoni (FOTO+VIDEO)
Së paku 19 persona janë vrarë, ndërsa 45 të tjerë janë lënduar gjatë sulmit me thikë të kryer në shtëpinë për persona të pafuqishëm dhe të hendikepuar në Japoni.
Në kumtesën e policisë japoneze thuhet se vrasja masive ka ndodhur sot, në orët e hershme të mëngjesit, në qytetin Sagamihara, 40 kilometra në jugperëndim të Tokios.
Tetëmbëdhjetë nga të lënduarit ndodhen në gjendje kritike.
Policia konfirmoi se është arretsuar një person i cili është i dyshimtë për krimin e rëndë.
Identiteti i tij nuk kumtohet, përveç që zbulohet se bëhet fjalë për person të ri, të moshës 26 vjeçare i cili vetë iu dorëzua autoriteteve.
Mediumet në Tokio lajmërojnë se njeriu ka hyrë në stacionin lokal policor dhe u ka thënë policëve se ai e ka kryer krimin.
Siç ka thënë ai vetë, ai është një ish i punësuar në atë shtëpi, por nuk ka sqarim për motivin e vrasjes masive.
Policia e cila po e zhvillon hetimin nuk jep hollësi të tjera për rastin, përveç që ceket se bëhet fjalë për vrasjen më të rëndë masive në Japoni, kohëve të fundit.