Sot mbahet protestë për ta përkrahur “Plenumin Studentor”
“Stop për brutalitetin policor! Përgjegjësi për dhunuesit! Mbështetje për studentët!”, me këto fjalë, “Plenumi Studentor”, “Revolucioni Laraman” dhe Lëvizja Qytetare “Protestoj”, u bëjnë thirrje qytetarëve që sonte në ora 19:00 të mblidhen përpara selisë së Parlamentit Studentor të Universitetet “Shën Kirili dhe Metodi” (PSUKM), për t’u dhënë përkrahje studentëve që i kontestojnë zgjedhjet studentore të parlamentit.
“Mbrëmë ishim dëshmitar të fiaskos së Parlamentit Studentor të UKM-së, i cili mbajti zgjedhje studentore në mënyrë të paligjshme, morën pjesë persona që nuk ishin studentë, gjatë procesit nuk kishte vulë dhe nuk kishte lista zgjedhore”, thuhet mes tjerash në thirrjen e organizatorëve.
Nga Plenumi Studentor kërkojnë që:
1 – MPB menjëherë t’i dorëzojë raportet në të cilën do të tregohet se pse u drejtuan njësiti special drejt bllokadës së qetë të studentëve që kanë qenë përpara Parlamentit Studentor.
2 – Të shfuqizohen zgjedhjet për kryetar të PSUKM-së nga ana e Komisionit Zgjedhor të PSUKM-së ose ish kryetarit të saj, Kiril Spirovski.
3 – Sqarim nga Senati i Universiteti, Rektorati, rektori dhe prorektorët, që ashpër duhet t’i dënojnë ngjarjet e mbrëmshme.
4 – Të mos pranohet përfaqësuesit e PSUKM-së në trupat udhëheqës të UKM-së nga ana e universitetit në fjalë.
Në të kundërtën, Plenumi Studentor, paralajmëron bojkot radikal në fillim të vitit të ri akademik dhe nuk do t’i pranojë vendimet e trupave të Universitetit.
