Siri, vriten 18 ushtarë të regjimit
Në përleshjet në jug të qytetit Hama të Sirisë janë vrarë 18 ushtarë të regjimit ndërsa një fshat ka kaluar nën kontrollin e opozitarëve, raporton Anadolu Agency (AA).
Sipas informacioneve të marra nga burimet lokale, njësitë e forcave opozitare pas përleshjeve intensive e kanë marrë nën kontroll fshatin Er-Rimeyle në jug të Hamas, nga forcat e regjimit.
Theksohet se në përleshjet u vranë 18 ushtarë të regjimit, ndërsa opozitarët konfiskuan një numër të madh të municioneve dhe një tank.
Opozitarët poashtu edhe muajin e kaluar morën kontrollin mbi një tjetër fshat në jug të Hamas.