Orlando: Aligatori e tërheqë një djalë në ujë, fillojnë kërkimet
Kanë filluar kërkimet për një 2 vjeçar i cili është sulmuar nga një aligator duke e tërhequr fëmijën zvarrë në ujin e një liqeni brenda hapësirës së një hoteli në Orlando të Floridas, njoftojnë autoritetet amerikane, transmeton REL.
Incidenti ka ndodhur derisa familja ishte me pushime në hotelin që është pronë e “Disney”.
Djaloshi “kishte zgjatur këmbët në buzë të liqenit në kohën kur aligatori e ka sulmuar”, thotë Shefi i policisë i zonës, Jerry Demings, transmeton CNN.
Pasi aligatori e ka kapur djalin, babai është hedhur në ujë dhe është munduar që t’ia heq djalin nga goja e kafshës, por nuk kishte arritur ta shpëtoj atë, thotë më tej, Demings.
Shefi i policisë ka thënë se deri më tash nuk kanë pasur asnjëherë incidente të tilla në këtë zonë.
